Gjykata e Lartë shqyrton sot masën e sigurisë ndaj kryetarit të Bashkisë së Tiranës, Erion Veliaj. Seanca zhvillohet në Dhomë Këshillimi.
Në shqyrtim është masa “arrest me burg”, e caktuar ndaj Veliajt në kuadër të hetimeve të SPAK. Çështja është rikthyer në Gjykatën e Lartë pas vendimit të Gjykatës Kushtetuese, e cila kërkoi shqyrtimin e proporcionalitetit të masës së sigurisë.
Gjykata e Lartë do të shqyrtojë argumentet e palëve dhe rrethanat e çështjes, për të përcaktuar nëse masa e arrestit do të vijojë apo do të ndryshohet.
Erion Veliaj ndodhet prej muajsh në paraburgim.
