Policia Rajonale e Komunikacionit Rrugor në Ferizaj njofton se sot pas inspektimeve të rrugëve magjistrale të këtij rajoni, ka vërejtur se disa pjesë të rrugëve magjistrale ishin të pa pastruara nga bora nga kompania përgjegjëse për mirëmbajtjen e rrugëve.
Bëhet e ditur se policia i ka marr veprimet e nevojshme dhe ndaj njërës kompani ka iniciuar fletëparaqitjen për gjykatë sipas ligjit të komunikacionit rrugor, pasi u vlerësua se kompania nuk ka marrë masat e nevojshme, përgjegjëse për mirëmbajtjen e rrugëve, edhe pse ishte paralajmëruar nga policia.
Me këtë rast, Drejtoria Rajonale e Policisë në Ferizaj apelon tek shoferët e automjeteve që të respektojnë dhe të përshtatin shpejtësinë e lëvizjes në raport me kushtet e rrugës dhe të mbajnë distancën në mes të automjeteve me qëllim parandalimin e aksidenteve.
