Është gjendur e vrarë sot pasdite në Durrës, gruaja e një polici.
Nga sa bëhet e ditur, bashkëshortja e efektivit, Sherif Hajdari,Merita Hajdari është gjetur e vrarë me armë zjarri, ndërsa raportohet se ngjarja ka ndodhur në lagjen numër 7 në qytetin bregdetar.
Nga hetimet paraprake dyshohet se 47-vjeçarja është vetëvrarë me një plumb në kokë. Ndërkohë që në banesë mësohet se ka pasur dhe familjarë të tjerë.
Gjithsesi, burime për Gazeta Shqiptare kanë bërë të ditur se bashkëshorti i saj është shoqëruar menjëherë në komisariat, ndërsa grupi hetimor po punon për sqarimin e rrethanave të ngjarjes.
NJOFTIMI I POLICISË
Më datë 06.08.2018, rreth orës 13:20, në lagjen Nr.7, Durrës është gjetur e vrarë në banesë me armë zjarri shtetësja M.H. 47 vjeçe.
Nga hetimet paraprake dyshohet se është vetëvrarë.
Grupi hetimor po punon për sqarimin e rrethanave të ngjarjes.
