Me qëllim fuqizimin e rolit të diasporës në zhvillimin dhe demokratizimin e vendeve amë, Drejtoresha e Programeve në organizatën Germin, Liza Gashi dhe ministri i Shtetit për Diasporën në Republikën e Shqipërisë, Pandel iMajko kanë nënshkruar në Tiranë një Marrëveshje Mirëkuptimi.
Germin dhe Ministria u pajtuan se përveç tjerash të bashkëpunojnë në disa fusha më prioritare si: korniza ligjore dhe institucionale për përfshirjen e diasporës; e drejta e votës për diasporën dhe përfaqësimi në Kuvend; politikat ekonomike dhe investimet për diasporën; promovimin e shkëmbimit profesional; shkëmbimin edukativ dhe kulturor; promovimin e projekteve të diasporës dhe filantropia shqiptare.
Ministri Majko tha se bashkëpunimi në fushën e diasporës është një instrument me vlera. Ndërkaq, drejtoresha Gashi theksoi se qëllimi i organizatës Germin është që të lehtësojmë komunikimin dhe të fuqizojmë lidhjet mes diasporës dhe shteteve amë.
Organizata Germin si pjesë e kësaj marrëveshjeje nëpërmjet rrjetit të gjerë që ka me individë dhe një numër të madh të grupeve formale dhe jo-formale në diasporë do të asistojë Ministrinë e Diasporës nëpërmjet këshillimit dhe ofrimit të asistencës në projekte dhe ide strategjike, që ndikojnë në lidhjen e diasporës me vendet amë.
Marrëveshjen e plotë mund ta lexoni këtu:
