George Clooney e vlerëson jashtëzakonisht praninë e bashkëshortes së tij, Amal, në jetën e tij dhe e konsideron veten “me shumë fat” që e ka “gjetur” atë.
Aktori 65-vjeçar, fitues i dy çmimeve Oscar, i shfaqi hapur këto ndjenja ndërsa çifti mori pjesë në eventin “The Albies”, të organizuar nga Fondacioni Clooney për Drejtësi në Muzeun e Historisë Natyrore në Londër, të premten.
Duke folur për revistën “People” rreth sekretit të jetëgjatësisë së marrëdhënies së tyre, Clooney e nisi me një shaka tipike: “Ajo më shikoi mua; sigurisht që po fliste për veten. Jo, ne thjesht… Ndihemi me shumë fat, shumë të lumtur që e kemi gjetur njëri-tjetrin.”
Amal ndërhyri duke thënë: “Nëse zgjedh njeriun më të jashtëzakonshëm, atëherë gjithçka shkon mirë që andej e tutje.”
Kur u pyet se çfarë “dashuron më së shumti” tek avokatja ndërkombëtare e të drejtave të njeriut, Clooney i tha medias: “Kjo është një histori shumë, shumë e gjatë.”
