Është publikuar sot për herë të parë një fotografi e Komandantit Legjendar të Ushtrisë Çlirimtare të Kosovës, Adem Jashari dhe bashkëluftëtarit të tij, tani shef i Grupit Parlamentar të Lëvizjes Vetëvendosje, Rexhep Selimi.
Në këtë fotografi, shihet Adem Jashari dhe Rexhep Selimi, ku mbrapa tyre kanë të vendosur flamurin kombëtar.
Shkrepja e fotografisë besohet se ka ndodhur gjatë periudhës së luftës në Kosovë.
Adem Jashari dhe Rexhep Selimi, përveç që kanë qenë bashkëluftëtar në UÇK, janë edhe familjar mes vete. Ata shihen në shoqërimin e tyre në shumë pamje filmike gjatë periudhës para dhe gjatë luftës – sidomos në Kullën e Jasharajve në Prekaz, por edhe gjatë aksioneve të ndryshme së bashku.
Ndërsa, këtë fotografi të papublikuar të tyre, e ka bërë publike, aktivisti i Lëvizjes Vetëvendosje, Besart Bujupi.
Në një shkrim në rrjetin social Facebook, Bujupi, ka shkruar: Në Prekaz ku u mboll liria e Kosovës dhe filloi të ndryshojë historia e kombit shqiptar.
