Faik Vuçitërna nga Rahoveci ka nevojë për ndihmën tuaj.
59 vjeçari ka kohë që qëndron në spital të Prizrenit meqë momentalisht përballet me probleme të rënda shëndetësore.
Po ashtu, ai është nënshtrues i rregullt i trajtimit të hemodializës, meqë veshkat e tij nuk funksionojnë si duhet, por fatkeqësisht këtyre ditëve edhe ky trajtim nuk po i ndihmon.
Faiku me vështirësi po qëndron ulur, ndërsa për të ecur i duhet ndihma e të tjerëve dhe dita ditës po i humbet edhe forcat e fundit që i kanë mbetur. Trupin e ka aq të fryrë sa mezi njihet në pamje.
Ai ka nevojë urgjente për transplantim të veshkës, mirëpo familja nuk i ka kushtet për mbulimin e shpenzimeve, meqë jetojnë me social nga shteti.
Megjithatë, ata kanë hapur një fond ndihme në internet, për të gjithë ata që sado pak kanë mundësi të kontribuojnë.
Një euro nga ju mund të jenë shumë për të.
