Makina Evropiane e Vitit sapo është shpallur në Panairin e Automobilave në Bruksel. Mercedes CLA mori titullin , duke mposhtur gjashtë finalistët e tjerë: Citroën C5 Aircross, Dacia Bigster, Fiat Grande Panda, Kia EV4, Renault 4 dhe Skoda Elroq.
Në një ceremoni të mbajtur sot në Bruksel, në një votim në stilin e Eurovisionit, 59 anëtarët e jurisë së çmimit “Makina e Vitit” morën vendimin e tyre, duke zgjedhur “mbretin” e ri të tregut evropian të makinave, shkruan Indeksonline.
Mercedes fitoi bindshëm, duke shënuar gjithsej 320 pikë, saktësisht 100 më shumë se Škoda Elroq e vendit të dytë. CLA u vlerësua më së miri në 12 nga 23 vende.
Me këtë fitore, Mercedes CLA ia merr titullin Renault 5 E-Tech, i cili fitoi çmimin më të lartë kontinental sezonin e kaluar. Kjo është hera e dytë në historinë e Mercedes-Benz dhe në historinë 62-vjeçare të konkursit “Makina e Vitit” që marka gjermane ka fituar këtë çmim prestigjioz. Ajo e fitoi për herë të fundit në vitin 1974 me Mercedes-Benz 450 SE/SEL.
Mercedes CLA: 320 pikë
Skoda Elroq: 220 pike
Kia EV4: 208 pikë
Citroën C5 Aircross: 207 pikë
Fiat Grande Panda: 200 pike
Dacia Bigster: 170 pikë
Renault 4: 150 pike
CLA është një nga modelet më të rëndësishme në historinë e Mercedes dhe “makina më e zgjuar që kompania ka prodhuar ndonjëherë”.
CLA ndjek një qasje të ndryshme dhe për herë të parë kombinon teknologjinë e pastër elektrike dhe hibride me një dizajn më konvencional. Kjo e bën atë të duket si një Mercedes tipik, por poshtë karrocerisë mbështetet në një strategji teknologjike krejtësisht të re./Indeksonline/
