Elshani inspekton punimet në Shkollën “Iliria”: Investim për të ardhmen e fëmijëve

Drejtori i Arsimit në Komunën e Prishtinës, Arianit Elshani, ka vizituar punimet që po zhvillohen në Shkollën “Iliria”, ku po realizohen investime për përmirësimin e infrastrukturës shkollore, transmeton IndeksOnline.

Sipas Elshanit, në këtë shkollë po përfundojnë punimet për zëvendësimin e dritareve, termoizolimin e objektit dhe sanimin e kulmit, investime që do të ndikojnë në krijimin e kushteve më të mira për nxënësit dhe stafin arsimor.

“Kushtet më të mira në shkolla janë investimi i domosdoshëm për fëmijët tanë. Këto investime do t’u ofrojnë nxënësve dhe mësimdhënësve ambiente më të mira dhe një shkollë më efikase për vitet që vijnë”, ka deklaruar Elshani.