Ekskluzive: Kurti kërkon që votimi për qeverinë e re të mbahet më 3 shkurt, a do ta djegë sërish LDK-në? (DOKUMENT)

Kryetari i Lëvizjes Vetëvendosje, Albin Kurti i ka dërguar sot kërkesë zyrtare Kryesisë së Kuvendit të Kosovës dhe kryetarit, Glauk Konjufca për caktimin e seancës për votimin e Qeverisë së re të Kosovës.

Kërkesa të cilën e ka siguruar Ballkani.info, thotë se në përputhje me dekretin e presidentit të datës 20 janar, kërkon nga Konjufca që më datën 3 shkurt në orën 11 ta caktojë seancën për votimin e Qeverisë.

Kjo kërkesë është bërë njëanshëm dhe pa arritjen e marrëveshjes për bashkëqeverisje me LDK-në.