Edona Llalloshi shkon në Kuvend, pozon me mërgimtarët, s’lodhet fort të merret me zhvillimet brenda sallës

Deputetja e Lëvizjes Vetëvendosje, Edona Llalloshi, ka reaguar pas pamundësimit të hyrjes së mërgimtarëve në ambientet e Kuvendit të Kosovës.

Llalloshi ka thënë se edhe sot ishte paraparë që Kuvendi të priste mërgatën, por zhvillimet e paparashikuara brenda sallës pamundësuan realizimin e vizitës.

“Edhe sot ishte paraparë që Kuvendi të priste mërgatën tonë të dashur, por për shkak të zhvillimeve të paparashikuara në sallën e Kuvendit, u pamundësua që vizitorët të hynin brenda”, ka shkruar Llalloshi.

Ajo ka bërë të ditur se, megjithatë, ka shfrytëzuar rastin për t’i takuar mërgimtarët dhe për t’i falënderuar për mbështetjen.

“Megjithatë, e shfrytëzova momentin për t’i takuar shkurt dhe për t’i falënderuar për mbështetjen”, ka deklaruar ajo.