Dyshime për mjet shpërthyes me telekomandë – Policia e mban të bllokuar me shirit ende rrugën “Rrustem Hyseni” në Prishtinë

Policia e Kosovës ka ndërmarrë masa sigurie në rrugën “Rrustem Hyseni” në Prishtinë, pas një informate për një mjet të dyshuar shpërthyes.

Rasti është raportuar rreth orës 17:00, ndërsa zona është siguruar nga njësitet policore dhe rruga vazhdon të jetë e bllokuar me shirit sigurie, raporton lajmi.net

Zëdhënësi i Policisë së Kosovës për rajonin e Prishtinës, Enis Pllana, ka konfirmuar rastin, duke bërë të ditur se qytetarët në një perimetër të caktuar janë evakuuar, ndërsa në vendin e ngjarjes janë angazhuar njësitet përkatëse.