Akil Gjakova para dy ditëve bëri krenarë të gjithë pasi fitoi medaljen e artë në lojërat e Grand Prix 2019 që u mbajtën në Budapest.
Xhudisti kosovar mposhti në finale rusin Georgii Elbakiev dhe kështu u kurorëzua me titullin e më të mirit. Ai madje u shpall edhe xhudisti më i mirë i ditës, shkruan Reporteri.net
Menjëherë pas fitores, Akili kishte bërë zemrën me duart e tij, gjë që kishte shtyrë trajnerin e tij të mendojë se ai gjest ishte për të.
“Mendova që ma drejtoj mua por si duket dikujt tjetër hmmm …”, ka shkruar trajneri i tij në facebook, Driton Kuka.
Por, kuptohet kjo ishte shkruar në formë shakaje nga trajneri legjendar, pasi ai e di se Akili është i fejuar dhe tani fitoret i dedikon dikujt tjetër.
Ndryshe, Akili u shpall kampion në kategorinë deri në -73 kg./Reporteri.net/
