Ministri i Financave, Avdullah Hoti, ka dhënë një lajm të luftimit të kontrabandës nga ana e Doganës së Kosovës.
“Kapen lojëra fati ilegale në dyqanet me mbishkrimin ‘Rrobaqepës’ dhe ‘Counter Strike’”, ka shkruar Hoti në profilin e tij në Facebook.
“Dogana e Kosovës pas dyshimeve se në Lagjen Dardania në Prishtinë janë dy dyqane të cilat operojnë me lojëra fati ilegale ka ndërmarr një kontroll të befasishëm ku edhe janë gjetur këto dy lokacione. Të dy lokacionet e dyshuara kishin ndërruar pamjet e jashtme të lokalit duke tentuar të kamuflojnë aktivitetin ilegal, njëri operonte nën emrin Rrobaqepës deri lokali tjetër nën emrin Counter Strike”, ka treguar Hoti.
“Kontrolli i ushtruar ka gjetur duke operuar një pike basti të pa-licencuar si dhe janë zbuluar lojëra të ndaluara ‘Keno’ dhe ‘Racing Dogs’ në të dy lokacionet. Dogana e Kosovës me këtë rast ka sekuestruar pajisjet e pa licencuara dhe ndaj personave përgjegjës do te inicioje procedurën kundërvajtëse. Gjithashtu në vendngjarje janë ftuar edhe zyrtarët e ATK-së te cilët kanë bërë mbylljen e lokaleve”.
