Një person ka humbur jetën në Mitrovicë, pasi shtëpia brenda të cilës gjendej është përfshirë nga zjarri. Një ditë pas kësaj tragjedie, policia e Kosovës nga rajoni i Mitrovicës ka dhënë detaje për rastin.
Nga policia thonë se trupi i pa jetë i viktimës mashkull rreth 70 vjecar, është dërguar për obduksion në Mjekësinë Ligjore.
“Njësit relevante kanë dal në vend të ngjarjes përderisa nga ana e zjarrfikësve është shuar zjarri. Pas lokalizimit të zjarrit, brenda shtëpisë është gjetur pa shenja jete viktima mashkull K/Shqiptar. Vdekja është konstatuar nga ekipi mjekësor dhe me urdhër të prokurorit, trupi i pajetë është dërguar në Institutin e Mjekësisë Ligjore për obduksion”, shkruan në njoftimin e policisë.
- Advertisement -
