Detaje | Kështu u plagos me armë zjarri para banesës së saj gazetarja
Në emisionin InDoks u transmetua dokumentari “Beteja Ballkanike: Vrite Gazetarin!”.
Është ky një dokumentar do të trajtojë situatën e gazetarëve në Ballkan si dhe zbulohen detaje nga rastet më të rënda ku gazetarët humbën jetën.
Jo shumë ditë më parë në Mal të Zi, gazetarja Olivera Lakic e medias më të madhe atje “Vijesti” u qëllua me armë në këmbë. Mihailo Jovović, kryeredaktori i kësaj të përditshmes për InDoks i sjell detajet e sulmit.
Në 50 minuta të dokumentarit InDoks me autor Visar Duriqi flitet më në detaje për Betejën Ballkanike bardh e zi. Për të vërtetën nga ana e gazetarëve në një anë, dhe betejën kundër tyre nga ana e politikanëve, mafias dhe krimit të organizuar bashkë, në anën tjetër.
Sa gazetarë janë vrarë në Kosovë e sa në shtet në regjion?
Si u bë që në të gjithë rastet e vrasjes së gazetarëve, ose kurrë nuk zbulohen vrasësit, ose kriminelet kurr nuk e marrin dënimin e merituar?
Lexo edheU aksidentua me motor, 29 vjeçari ndërron jetë në spital
Cilët janë liderët aktual të Ballkanit që kanë pasur skandalet më të mëdha në raport me gazetarët?
Si po vriten gazetarët tash edhe në Evropë, dhe a po ‘Ballkanizohet’ edhe Perëndimi?
Ekskluzivisht për InDoks dhe për këtë dokumentar flasin gazetarët më eminent nga ky regjion.
InDoks është emision hulumtues që prodhohet nga Gazeta Online Insajderi. /Insajderi.com
