Deputeti i Kuvendit të Kosovës nga radhët e Partisë Demokratike të Kosovës, Elmi Reçica, ka komentuar rezultatet e sondazheve të fundit për forcën e partive politike.
Reçica ka pranuar se partia e tij aktualisht është partia e dytë më e madhe në vend, teksa sondazhet e nxjerrin Lidhjen Demokratike të Kosovës në vend të parë.
Por, deputeti i PDK-së ka thënë në emisionin “DPT Te Fidani”, se nuk beson se LDK-ja është bindshëm para partisë së tij.
Ai ka thënë se pohimet se LDK do t’i fitonte 17 vende më shumë në Kuvend sesa PDK, nëse zgjedhjet do të mbaheshin tash, janë “dëshirë” e LDK-së.
