Deputeti i zgjedhur i Lidhjes Demokratike të Kosovës, Haxhi Avdyli ka reaguar pas njoftimit se presidenti Hashim Thaçi ka shtyrë për dy ditë thirrjen e seancës konstitutive të Kuvendit.
Avdyli përmes një shkrimi në Facebook, ka thënë se shtyrja e seancës mbetet një lloj i fyerjes së qytetarëve të Kosovës, e jo vetëm ata të besimit katolik.
“ Këtij burrit Brojës i duhet një këshilltarë për ti treguar datat e emrat e festave fetare sepse nuk është hera parë që ky gabon. E këshilla kryesore për të do ishte ik prej aty se moti të ka dalë koha e boja, se sje për atë vend”, ka thënë ai.
Ndryshe, presidenti i Kosoëvs, Hashim Thaçi ka njoftuar sot se është shtyrë për datë 26 dhjetor seanca konstituive e Kuvendit, shkaku i festës.
