Lojtari i Real Madridit, 33 vjeç, është i vendosur t’i jap Kim Kardashian një ‘goditje’, pasi ai është aktualisht në prag të blerjes së një serie të re prej 13 episodesh në “Facebook Watch”, nga e cila sipas “Variety”, mund të fitojë 10 milionë dollarë, shkruan DailyMail, transmeton lajmi.net.
Jeta e Ronaldos mund të përbëjë interes të madh, pas thashethemeve për fejesën me të dashurën, Georgina Rodriguez si dhe për të qenë një baba i mirë për katër fëmijët e tij, derisa ka një karrierë të ndritur në futboll.
Shfaqja thuhet se do të prodhohet nga kompania e Tom Bradyt, “Religion of Sports”.
Në nëntor të vitit të kaluar, Georgina solli në jetë fëmijën e parë me Ronaldon, ndërsa dy muaj pas lindjes, ajo kishte deklaruar se lindja e vajzës kishte forcuar lidhjen e tyre. /Lajmi.net/
