Inspektoi i vrarë i pyjeve në komunën e Prishtinës, Nazmi Rrustemi, është raportuar se ishte dëshmitar në Gjykatën Speciale të Hagës.
Rrustemi ishte gjetur i vrarë me armë zjarri para disa javëve, ndërsa raportimi se ai ishte dëshmitar në institucionin e Hagës, u bë vetëm gjatë javës së fundit.
Për këtë çështje kanë folur nga Dhomat e Specializuara të Gjykatës në Hagë.
Angela Grip, nga zyra për media e këtij institucioni i ka thënë agjencisë serbe të lajmeve, “Tanjug” se mbrojtja e dëshmitarëve është prioritare, por se nuk mund të flasin nëse ka dëshmitarë të vrarë të kësaj gjykate.
Sidoqoftë, nga kjo Gjykatë kanë thënë se vrasja në fjalë është kompetencë e Prokurorisë Speciale të Kosovës, por që prioritet parësor i tyri është mbrojtja e dëshmitarëve.
As EULEX-i nuk ka dhënë detaje nëse Rrustemi ishte dëshmitar i mbrojtur i Speciales. Sipas tyre, informacione mbi dëshmitarët e mundshëm nuk duhet të jenë publike.
Nazmi Rrustemi u vra para një muaji në Prishtinë. Ai punonte si inspektor pyjesh në komunë, teksa se i njëjti ishte intervistuar disa kohë para vrasjes, e kishin konfirmuar edhe familjarë të tij.
