Të tjera detaje janë zbuluar nga ngjarja në Rinas, ku u grabitën rreth 10 milionë euro, që po përgatiteshin të transportoheshin me avion në Austri.
Një burim i deklaroi Politiko.al se paratë e marra u perkisnin dy bankave të nivelit të dytë ne vend: Raiffeisen Bank dhe Societe Generale.
Sa i takon ngjarjes, grabitësit të veshur me uniforma kamuflazhi prenë derën në pjesën veriore të aeroportit, e cila shërben për hyrjen e zjarrfikësve. Me një furgon të bardhë me mbishkrimin “Hetimi Tatimor” i janë afruar avionit. Kanë hyrë me shpejtësi deri në brendësi të pistës e më pas kanë hipur tek hangari i avionit dhe kanë marrë thasët me para.
