I ftuar në emisionin Pressing në Televizionin 7, Albin Kurti është pyetur edhe për Kombëtaren e Kosovës.
Dikur, numri një i Lëvizjes Vetëvendosje bënte tifo vetëm për Kombëtaren shqiptare, por kohën e fundit ka nisur ta mbështesë edhe atë të Kosovës.
Ai beson se të rinjtë e Kosovës po bëhen gjithnjë e më të mirë, teksa i ka uruar suksese në të ardhmen.
“I kam përcjell, por jo të gjitha. më ka bërë përshtypje që gjithnjë janë më të mirë dhe i dhuroj sa më shumë suksese”, tha Kurti.
Ai foli edhe për himnin e Kosovës.
“Arsyet pse kemi humbur në të kaluarën, arsyet pse nuk fiton dot në ndeshje sportive, është kur nuk arrin ta këndosh himnin tënd, himni tonë nuk e këndon tonë. Tifozët kanë gjetur një këngë të tyren, por këndojnë në stadiume dhe tani po fitojnë. Himni jonë duhet me pas tekst”, shtoi Kurti.
