Një skenë dramatike u zhvillua në raundin e gjashtë të turneut ‘Norway Chess 2025’, ku kampioni i botës Gukesh Dommaraju, e mposhti për herë të parë në një lojë klasike numrin një në botën e shahut, Magnus Carlsen.
Humbja nxiti një reagim të fortë emocional nga Carlsen, i cili goditi tavolinën me grusht nga frustrimi.
Ndeshja në Stavanger nisi me kontrollin e Carlseninl, duke e vënë 19-vjeçarin në pozita të vështira. Por, teksa koha në orën e norvegjezit po mbaronte, ai gaboi rëndë në fund të lojës, duke i dhënë indianit një avantazh të vendimtar.
Sapo loja përfundoi, Carlsen goditi tavolinën me grusht, i dha Gukeshit një shtrëngim të shpejtë duarsh dhe u largua menjëherë nga salla, duke kërkuar më vonë falje për reagimin e tij. Dhe normalisht mjaftoi ky reagim, që e gjithë bota e shahut të komentojnë.
Magnus Carlsen punches the table in frustration after losing to world champion Gukesh Dommaraju for the first time in a classical game at #NorwayChess today. pic.twitter.com/z0fvYuJsY0
— Bryan Armen Graham (@BryanAGraham) June 1, 2025
Kujtojmë se Gukeshin është kampioni aktual i botës që nga dhjetori 2024, më i riu ndonjëherë që ka fituar këtë titull.
Përkundër humbjes, Carlsen mbetet në krye të renditjes së përgjithshme. Megjithatë, incidenti në tavolinë ka hapur diskutime të reja mbi menaxhimin e emocioneve dhe sportivitetin në garat elitare të shahut.
Ndërsa ‘Norway Chess 2025’ vazhdon, rivaliteti në zhvillim mes Gukeshit dhe Carlsenit pritet të mbetet në qendër të vëmendjes – një përballje simbolike mes brezit të vjetër dhe atij të ri në shahun botëror. /Telegrafi/
