PDK ka përfunduar mbledhjen maratonike mbi dy orëshe, ku ka marrë pjesë edhe kreu i partisë, Kadri Veseli, njofton Klan Kosova.
Deputetja e Partisë Demokratike të Kosovës, Blerta Deliu- Kodra ka folur pas mbledhjes së Kryesisë së PDK-së ku ka thënë se në këtë takim është biseduar për të gjitha degët e kësaj partie sa i përket zgjedhjeve lokale të cilat do të mbahen me 22 tetor.
Por se nuk e ka përmenduar asnjë emër të caktuar.
Deliu-Kodra nuk e ka komentuar lajmin se PDK-ja ka probleme në degët e Skënderajt dhe Drenasit.
“Kemi pasur diskutime të gjata për të gjitha degët e PDK-së dhe ne do t’i përmbahemi afateve të rregullta ligjore sa i përket shpalljes së kandidatëve për kryetar të komunave”,ka thënë ajo duke shtuar se në lista për asamble komunale janë rreth 300 persona.
