Drejtues të qeverisë së Serbisë kanë paralajmëruar rritjen e presionit mbi Prishtinën zyrtare për themelimin e Asociacionit të komunave me shumicë serbe, shkruan sopt Koha Ditore.
Me gjithë përpjekjet e Beogradit që këtë çështje ta ngrejë në kuadër të raundit të radhës të dialogut, i cili po zhvillohet në Bruksel, kjo ende nuk ka ndodhur, pas kundërshtimeve nga ana e Qeverisë së Kosovës.
Megjithëse në mënyrën zyrtare nuk ka asnjë angazhim rreth hartimit të dekretit qeveritar dhe draftstatutit të Asociacionit, përfaqësues të qeverisë së Serbisë, bashkë me ministrat e kabinetit Mustafa dhe me kryetarët e komunave veriore, kanë nisur diskutimet për gjetjen e modaliteteve rreth krijimit të Asociacionit.
