Dardan Molliqaj, deputet i Vetëvendosjes ka përmendur disa nga dallimet që ka ai me deputetin Albin Kurti.
Molliqaj ka treguar se një dallim i madh me Kurtin ka qenë lidhur me çështjen e koalicionit me PDK-në. Sipas tij, Kurti ka lënë të hapur mundësinë për koalicion me PDK-në, ndërkohë që ai vetë ka qenë kategorikisht kundër.
‘’Dallimi jonë ka qenë për cështjen e koalicionit me PDK. Unë nuk jam për koalicion me PDK-në përpara se ajo të shkojë në opozitë. Ne e kemi diskutuar edhe në këshill këtë cështje. Kurti ka thënë se duhet ta shohim mundësinë për koalicion me PDK, sepse ata janë konstantja dhe Perëndimi e do një gjë të tillë. Qëndrimi ynë ka qenë i prerë, që nëse dalim të parët nuk duhet të bëjmë koalicion. Kurti e ka pasur idenë se duhet ta lëmë të hapur atë mundësi sepse VV mund të ketë ndryshime dhe duhet të bëjmë gara se cilat subjekte do t na pranojnë më shumë programin. Për mu kjo është vijë e kuqe ‘’, ka thënë Molliqaj, transmeton Periskopi.
Molliqaj ka treguar në detaje se si kishin nisur mospajtimet e tij me Albin Kurtin, ku tregoi se themeluesi i partisë kishte dyshuar në të se ka pretendime për të parin e Vetëvendosjes./Periskopi/
