Një banorë i “Lagjes 2” në rrugën “28 nëntori” në Skenderaj ka shfaqur një shqetësim, me të cilin po ballafaqohen tash e ca kohë.
Ai nuk ka dashur ti ceket emri dhe për drenicapress.info shkruan se banorët e kësaj lagje janë në rrezik. Ai ka hedhur akuza në drejtim komunës ku ka theksuar se votat na i morën dhe premtimet i hodhën në shportë të mbeturinave.
“Nuk ka rrugë, nuk ka kanalizimi dhe po bllokohen gypat e ujërave të zeza, kulmi i banesës së kuqe është mjaft i dëmtuar dhe ndihemi të rrezikuar, na kanë sjellë mbeturinat para ndërtesës dhe nuk po mund të rijmë në terasa nga kundërmimi i erërave të mbeturinave dhe pëllumbave të cilët kanë bë vend në kulm, ndihemi të rrezikuar nga çdo lloj epidemie, kjo është e tmerrshme, ne paguajmë rrymën, ujin, mbeturinat dhe tatimin”, shkruan ky banor./Drenica Press/
