Në zyret e AKR-së në Drenas janë mbledhur shumë simpatizantë të kësaj partie, e në mes tyre është edhe kryetari i komunës së Mitrovicës, Agim Bahtiri.
Bahtiri në një lidhje direkte në Klan Kosova ka thënë se në zyret e AKR-së janë duke u numëruar votat dhe se kandidati i AKR-së, Elmi Thaçi është duke prirë në disa pjesë.
“Jemi duke numëruar, e vërteta është asnjë parti nuk del fituese në Drenas pa balotazh.Ne jemi duke udhëhequr në pjesën andej hekurudhës”.
“Vëzhguesit dhe komisionerët po na lajmërojnë për rezultatet dhe jemi shumë mirë, por ende nuk dihet deri në fund. Ne po udhëheqim në një pjesë shumë mirë”.
Ai ka thënë se kanë ndodhur disa parregullsi dhe nuk do t’i komentojë ato.
- Advertisement -
