Viti që lamë pas do të mbahet mend për shpenzime të mëdha të parasë publike nga politikanët në dreka, darka dhe udhëtime zyrtare, shkruan gazeta online veriu.info.
Por jo të gjithë politikanët kanë shfrytëzuar kartelat bankare për të bërë shpenzime luksi në dreka dhe udhëtimë të shtrenjta.
Kryetari i Komunës së Mitrovicës, Agim Bahtiri, sikurse edhe në vitet paraprake prej që drejton qytetin e Mitrovicës, as në vitin 2019 nuk ka shfrytëzuar asnjë cent nga kartela bankare që i takon si kryetar për të mbuluar shpenzime të ndryshme.
Veriu.info e ka siguruar pasqyrën bankare të kartelës së tij, ku shihet që nga 3000 euro në dispozicion që i ka si kryetar, Bahtiri nuk ka shpenzuar asnjë cent për udhëtime apo dreka zyrtare.
Po ashtu kryetari Bahtiri nuk e merr rrogën e tij asnjëherë, por e dhuron atë si bursë për studentë të qytetit të Mitrovicës./veriu.info/
