25-vjeçarja Margarita Plavunova ishte kampione kombëtar dhe ishte duke u stërvitur për Lojërat Olimpike në Tokio kur vdiq gjatë një vrapimi në Tambov.
Atletja ruse u gjet e vdekur afër një rruge të asfaltuar në distriktin Morshansky në Tambov të enjten, sipas agjencisë të lajmeve ruse TASS, transmeton Gazeta Express.
Vdekja e Plavunovas u konfirmua edhe nga Federata Ruse e Atletikës dhe shkaku i vdekjes besohet të ketë qenë një sulm në zemër gjatë vrapimit. Trajnerja e saj, Elena Menilkova, thotë se 25-vjeçarja nuk kishte qenë duke u ndierë mirë gjatë ditëve të fundit.
Plavunova ishte kampione e Rusisë dhe kishte garuar në vrapimet në 60 dhe 100 metra me pengesa. Ajo për herë të fundit garoi më 22 qershor në një turne regjional në Zhukovskiy dhe rekordi i saj në vrapimin në 100 metra me pengesa ishte për 14.06 sekonda.
Ajo shpresonte se do të arrinte të kualifikohet në Lojërat Olimpike 2020 në Tokio dhe stërvitjet e shumta gjatë kohës së fundit, sipas AS, ndikuan në sulmin e zemrës që e pësoi. /Gazeta Express/
