Arsenali pritet të marr vendim deri të martën për Granit Xhakën, atëherë kur kapiteni i londinezëve nga Prishtina pritet të kthehet në stërvitjen e Arsenalit së bashku me pjesën tjetër të ekipit.
Sipas asaj që raporton Sky Sport, vendimi i Arsenalit për Xhakën pritet të merret në dy ditët ardhshme para se Arsenali të udhëtojë në Liverpool për ndeshjen në fazën e grupeve, shkruan Gazeta Sinjali.
Reagimi i Xhakës nuk do të mbetet pa u diskutuar nga drejtuesit e Arsenalit, ndërsa një gjë të tillë e konfirmoj trajneri i Arsenalit Unai Emery, i cili kur u pyet për këtë rast tha se nuk është momenti i duhur.
“Nuk është tani momenti i duhur për të diskutuar për këtë çështje”, tha Emery në konferencën për media pas ndeshjes me Crystal Palace.
Ndërkohë sipas raportimeve të mediave, drejtorët e Arsenalit, Raul Sanllehi dhe Edu takuan futbollistët pas ndeshjes së djeshme, ndërsa pronari i Arsenalit u takua drejtpërsëdrejti me trajnerin Emery.
Xhaka u largua në minutën e 61 nga fusha për t’i liruar vendin Saka-s, ndërsa largimi i tij u përcjell me fishkëllima.
