Sekretari organizativ i Lëvizjes Vetëvendosje, Alim Rama, ka akuzuar mjekë të lidhur me subjektet politike se po përfshihen në parregullsi zgjedhore përmes shpërndarjes së vërtetimeve mjekësore të dyshimta.
Përmes një postimi në llogarinë e tij në Facebook, ai ka akuzuar se mjekët e LDK-së në Prishtinë dhe të PDK-së në Kaçanik po e marrin rolin e noterit e po shpërndajnë vërtetime mjekësore për të autorizuar votime me asistencë, “ose përndryshe blerje e votës me letra”.
Derisa sot po mbahet raundi i dytë i zgjedhjeve lokale në 18 komuna. Procesi i votimit ka nisur në ora 07:00 dhe do të jetë deri në ora 19:00. /Lajmi.net/
- Advertisement -
