I pari i Vetëvendosjes, Albin Kurti, po qëndron për vizitë në Sarajevë ku ka bërë homazhe pranë varrit të ish Presidentit të parë të Bosnjes dhe Hercegovinës Alija Izetbegoviq.
Kurti gjithashtu ka bërë homazhe edhe tek monumenti i 1.601 fëmijëve të vrarë në Sarajevë.
Këtë e ka bërë të ditur vetë Kurti përmes një postimi në Facebook.
“Gjenocidi në Kosovë i pranverës së vitit 1999, u zbatua nga operacioni ushtarak i Serbisë ‘Patkoi’ i cili i dëboi rreth 860 mijë shqiptarë nga Kosova dhe vrau afër 10 mijë civilë të paarmatosur. Gjenocidi në Sarajevë u zbatua përgjatë gati katër vjetëve, saktësisht 1.425 ditëve, aq sa zgjati rrethimi i hekurt i qytetit. U vranë 11.541 civilë (nga të cilët 1.601 fëmijë) kurse u plagosën a lënduan mbi 50 mijë të tjerë. Për çdo ditë mbi qytet binin mesatarisht 329 granata. Gjatë qëndrimit në Sarajevë bëra nderim dhe vendosa lule të freskëta te varri i kryetarit të parë të B&H, Alija Izetbegovic, dhe te monumenti i fëmijëve sarajevas të vrarë gjatë luftës” ka shkruar Kurti .
