Lideri i lëvizjes “Vetëvendosje”, Albin Kurti dhe ai i LDK-së, Isa Mustafa, janë pajtuar që të mbyllet Agjencioni Kosovar i Privatizimit(AKP), raporton portali “Front Online” .
Mbyllja e këtij Agjencioni parashihet në faqen shtatë të dokumentit për bashkëqeverisje mes LVV-së dhe LDK-së, i cili iu prezantua sot deputetëve të Kuvendit.
“Kjo Agjenci do të shuhet dhe si e tillë do të transformohet në një agjenci brenda Qeverisë”, thuhet mes tjerash në këtë dokument.
Për mbylljen e AKP-së portali “Front Online” kishte raportuar në nëntor të vitit të kaluar, në kohën kur zhvilloheshin bisedimet për programit qeverisës mes LVV-së dhe LDK-së.
AKP-ja aktualisht udhëhiqet nga Valon Tolaj, ish-sekretar i AAK-së.
- Advertisement -
