Drejtori i Shërbimeve Publike në Fushë Kosovë, Izja Mjeku ka folur rreth vërshimeve që kapluan këtë komunë ditëve të fundit.
Ai ka bërë të ditur se shtatë familje janë evakuuar në komunën e Fushë Kosovës.
Pas reshjeve të dendura të shiut, gjatë mbrëmjes kanë filluar edhe reshjet e borës, për çka Mjeku thotë se ekipet e mirëmbajtjes kanë filluar menjëherë pastrimin e rrugëve.
Megjithatë, rruga kryesore “Nëna Terezë” nuk e ka pasur fatin e njëjtë.
Në emisionin “Ora Shtatë”, Mjeku tha se rruga kryesore nuk është kompetencë e tyre por e ministrisë.
Po ashtu, ai u bëri thirrje vozitësve të tregojnë kujdes në komunikacion dhe të i përshtaten shpejtësisë dhe kushteve të rrugës.
- Advertisement -
