Lirimi i hapësirave publike nga ndërtimet e paligjshme vijon në të gjithë vendin, ndërkohë që deri tani nga vetë qytetarët janë raportuar 15 239 raste në portalin “Hapësira ime publike”.
Këto ndërhyrje i paraprijnë zbatimit të programit “Rilindja Urbane 2.0”, i cili synon të kthejë ligjshmërinë në territor, duke sjellë zhvillim për komunitetet.
Kryeministri Edi Rama ndau sot në rrjetet sociale pamje nga këto ndërhyrje në kryeqytet, ku po vijon puna për të liruar trotuaret, rrugët dhe hapësirat publike të zaptuara.
- Advertisement -
