Jack Smith ishte njeriu kryesor i cili e sabotoi marrëveshjen e Uashingtonit në të cilën pritej nënshkrimi i marrëveshjes mes Kosovës dhe Serbisë. Ai u bë njeriu kryesor i cili ndërhyri në një proces të paqes për të sabotuar fillimisht presidentin Trump e më pastaj për ta arrestuar presidentin Thaçi.
Pak kohë pas arrestimit të presidentit të Kosovës, Hashim Thaçi, ai nisi hetimin ndaj presidentit Trump ku synoi edhe burgosjen e tij.
Së fundmi, nga njeriu i cili kishte hetuar, tani u bë njeriu i cili është duke u hetuar.
Zyra e Këshillit Special ka nisur një hetim formal ndaj Jack Smith, hetimi i parë zyrtar ligjor mbi sjelljen e tij, ka mësuar The Post, transmeton demokracia.
Një email i shqyrtuar nga The Post thotë se Njësia e Aktit Hatch, e cila zbaton një ligj që kufizon punonjësit qeveritarë nga angazhimi në aktivitete politike, ka filluar të shqyrtojë ish-Këshilltarin Special për Departamentin e Drejtësisë të Shteteve të Bashkuara. Emaili është shkruar nga Këshilltari i Lartë Charles Baldis në OSC.
“E vlerësoj Zyrën e Këshilltarit Special që e mori seriozisht këtë dhe nisi një hetim për sjelljen e Jack Smith. Askush nuk është mbi ligjin.”, thuhet më tutje.
“Veprimet e Jack Smith ishin qartësisht të nxitura për të dëmtuar zgjedhjen e Presidentit Trump dhe Smith duhet të mbahet plotësisht përgjegjës”, tha kryetari i Komitetit të Inteligjencës së Senatit, Senatori Tom Cotton (R-Ark.), në një deklaratë për The Post.
I dërguari presidencial për misione speciale në mbarë botën, Richard Grenell, vazhdimisht ka alarmuar opinionin publik se Jack Smith ishte një instrument politik i cili kishte për qëllim dëmtimin e presidentit Trump dhe presidentit Thaçi.
