Jennifer Lopez ka bërë një rrëfim të sinqertë për jetën e saj personale pas performancës në “American Music Awards 2025”, ku ndau një puthje në skenë me një balerinë zëvendësuese.
Ky moment u bë menjëherë viral dhe nxiti reagime të shumta në rrjete sociale, disa prej të cilave e quajtën veprimin “të dëshpëruar” apo “të tepruar”.
E ftuar në një intervistë me Tiffany Haddish, e cila i bëri një koment me humor për “gjueti njerëzish”, JLo u përgjigj me qetësi: “Nuk po kërkoj asnjë burrë. Jam e lumtur tani. Nuk po përpiqem ta prish”, shkruan DailyMail.
Divorci i saj me Ben Affleck u finalizua në janar, por burime pranë këngëtares theksojnë se ajo është e fokusuar te vetja dhe karriera.
“Ajo ndjek këshillat e ekipit të saj dhe është e guximshme, pavarësisht komenteve negative”, tha një burim për Daily Mail.
Lopez jo vetëm performoi, por edhe prezantoi në AMA, duke hapur spektaklin me një koreografi energjike.
Ajo njoftoi gjithashtu rikthimin e saj me një rezidencë koncertesh në Las Vegas, që nis më 30 dhjetor në Caesars Palace. Këngëtarja do të jetë edhe kryesuese e WorldPride në Uashington DC në qershor.
Duke folur për revistën People, JLo shtoi: “Kjo verë do të jetë për të festuar lirinë dhe lumturinë”. /Telegrafi/
