Presidenti i Shteteve të Bashkuara, Donald Trump, në kuadër të nismës humanitare ‘‘Make-A-Wish Foundation’’, e cila i kushtohet fëmijëve dhe personave me aftësi të kufizuara, ka pritur në Shtëpinë e Bardhë familjen shqiptare Xhaferi.
Në këtë takim emocional, Trumpi shprehu vlerësim të veçantë për djalin e madh të familjes, i cili është në karrige me rrota. Presidenti amerikan theksoi se djali përbën frymëzim për shumëkënd.
Në një moment prekës, Trumpi i dhuroi atij një monedhë simbolike presidenciale, si kujtim i këtij takimi të paharrueshëm në zemër të Uashingtonit.
“Mos e humb këtë, shok”, u shpreh presidenti duke i buzëqeshur djalit, i cili e pranoi dhuratën me emocion.
Në video dëgjohet edhe Trump tek thotë se ”ai është një vëlla i mirë”.
Në fillim, nëna e familjes prezantoi edhe vajzën e saj, Ellën, e cila e përqafoi vëllain dhe konfirmoi dashurinë për të: “Po, e dua shumë. Ai është më i miri”.
