Sot, me dhembje e nderim, përkujtojmë 98 viktimat e Masakrës së Rezallës, ku më 5 prill 1999 forcat serbe vranë mizorisht burra dhe civilë të pafajshëm. Në këtë ditë tragjike, Kryetari i PDK-së në Skenderaj, Sami Lushtaku, shprehu dhembje e nderim 98 viktimat e Masakrës së Rezallës!
“Rezalla është simbol i dhimbjes, por edhe i qëndresës së popullit tonë që nuk u gjunjëzua asnjëherë ndërsa ky akt si krim barbar mbetet një dëshmi tjetër e gjenocidit serb mbi popullin tonë gjatë luftës së fundit në Kosovë”
Lushtaku theksoi se masakra e Rezallës është një nga ngjarjet më të errëta të historisë së Kosovës, dhe është një kujtesë e përjetshme e sakrificës dhe qëndresës së popullit të Kosovës për lirinë dhe dinjitetin e tij.
Lavdi e përjetshme martirëve të Masakrës së Rezallës! 
