Gazeta Sinjali ka raportuar sot gjatë ditës për plagosjen e dy personave mbrëmë pas mesnate në Prizren, si pasojë e të shtënave me armë.
Siç merret vesh, rasti ka ndodhur pas një përleshje mes disa personave janë shkrepur edhe armët, ku dy personat e plagosur, që janë edhe të dyshuar për rastin janë: Altin Hoxha dhe Arlind Hoxha, që janë edhe familjarë, më konkretisht djem të axhës ndërmjet vete.
Dyshja janë duke u trajtuar në klinikën e Ortopedisë, në spitalin e Prizrenit dhe janë jashtë rrezikut për jetë.
Lajmin për Gazetën Sinjali e ka konfirmuar edhe Policia e Prizrenit, e cila ka njoftuar se ka identifikuar të dyshuarit, përfshirë edhe dy personat që janë duke marrë trajtimin mjekësor, ndërsa është në kërkim të personave tjerë që janë implikuar në incidentin e mbrëmshëm me armë.
Ndryshe, Policia ka ndërmarrë të gjitha veprimet e nevojshme hetimore në konsultim edhe me Prokurorin e Shtetit.
Shënim: Personat e apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
