Është përkujtuar sot rënia e dëshmorit Fehmi Rama nga Likoci i Skenderaj, në 23 vjetorin e vrasjës heroike të tij, në mbrojtje të Kosovës.
Me këtë rast, kryetari i Komunës, Fadil Nura, së bashku me familjarët, bashkëluftëtarë nga Brigada 111 Adem Jashari e Ushtrisë Çlirimtare të Kosovës, ushtarakë të Forcës së Sigurisë së Kosovës, drejtorët komunalë, kolektivin e shkollës në Likoc dhe qytetarë të shumtë, kanë bërë homazhe te varri i dëshmorit në Kompleksin e Dëshmorëve në Marinë.
Po sot, kryetari Nura ka marrë pjesë edhe në shënim të ditës së shkollës në Likoc, e cila mban me krenari emrin e dëshmorit Fehmi Rama.
Në fjalimin e tij, duke i uruar të gjithë mësimdhënësit, nxënësit dhe prindërit, ka thënë se është privilegj për këtë pjesë të komunës që shkolla e Likocit mban emrin e dëshmorit Fehmi Rama.
