Ka disa javë që kur Rusia ka vendosur që në shkelje të ligjit ndërkombëtar dhe integritetit territorial të ndërhyjë ushtarakisht në Ukrainë. Përgjatë gjithë këtyre ditëve, raketat ruse s’kanë kursyer as ndërtesat e banuara me civilë, as kopshtet e fëmijëve e as spitalet.
Si rezultat i një agresioni të tillë të pashembullt, Perëndimi i kanë vënë Rusisë dhe Putinit një varg sanksionesh, derisa bota demokratike po solidarizohet me miliona refugjatë të cilët janë detyruar ta lëshojnë Ukrainën si rezultat i barbarisë Vladimir Putinit, të cilin numri një i Shtëpisë së Bardhë, Joe Biden, e ka quajtur edhe kriminel lufte.
Megjithatë pavarësisht vrasjeve së civilëve dhe shkatërrimit që Rusia ia ka shkaktuar dhe po vazhdon t’ia shkaktojë Ukrainës, Vladimir Putin, nuk ngurron që të gënjej e propagandoj hapur.
Në deklaratën e tij të fundit, Putin tenton ta fajsojë Perëndimin për luftën në Ukrainë.
Ai thotë se i “gjithë planeti po paguan për përpjekjet e Peërëndimit për të ruajtur dominimin”
“Unë dua që njerëzit e zakonshëm perëndimorë të më dëgjojnë gjithashtu. Po ju thuhet me këmbëngulje se vështirësitë tuaja aktuale janë rezultat i veprimeve armiqësore të Rusisë dhe se ju duhet të paguani për përpjekjet për t’iu kundërvënë kërcënimit të supozuar rus nga xhepat tuaj. E gjithë kjo është një gënjeshtër.
E vërteta është se problemet me të cilat përballen miliona njerëz në Perëndim janë rezultat i veprimeve shumëvjeçare të elitës në pushtet të vendeve tuaja përkatëse, gabimeve të tyre dhe politikave e ambicieve dritëshkurtër. Kjo elitë nuk po mendon se si të përmirësojë jetën e qytetarëve të saj në vendet perëndimore.
Ata janë të fiksuar pas interesave të tyre egoiste dhe superfitimeve.I gjithë planeti tani po paguan për ambiciet e Perëndimit dhe përpjekjet e Perëndimit për të ruajtur dominimin e tij të pakapshëm me çdo mjet të mundshëm”, ka thënë Putin në një deklaratë të publikuar nga MPJ e Rusisë.
