Kanë filluar të mblidhen në shesh të Prishtinës, disa persona, që kanë dalë për të falur namaz në publik, në shenjë proteste për mos hapjen e xhamive, raporton Ekonomia Online.
Kjo është bërë e ditur paraprakisht me anë të një grupi të hapur në Facebook me emrin “Falu n’shesh”.
Në njoftimin e tyre shkruan se në shenjë pakënaqësie për mos hapjen e dyerve të xhamive edhe pas fillimit të fazës së dytë të masave lehtësuese nga qeveria, këta qytetarë i janë drejtuar organeve gjegjëse për hapjen e xhamive dhe kryerjen e namazit me disa kushtëzime konform situatës epidemiologjike.
