Kryeministri i vendit Albin Kurti ka treguar se Ministria e Financave dhe Transfereve është duke e përpiluar një plan emergjent të ndërhyrjeve për ndërmarrjet më të goditura nga situata e koronavirusit.
Përmes një video që e ka publikuar në llogarinë e tij në Facebook, Kurti po ashtu ka treguar se po punohet për një mbështetje fiskale, menjëherë pas përfundimit të situatës në mënyrë që menjëherë të ringjallet ekonomia në vend, njofton Klan Kosova.
“Familjeve që marrin ndihma sociale, të martën do t’ua transferojmë ndihmat sociale 10 ditë para kohe dhe atë për dy muaj në vijim. Më këtë, pagesa e muajit të dytë nuk do të hyjë në përllogaritjet e muajve në vijim – që do të thotë u falet përfituesve”.
- Advertisement -
