Shefi i deputetëve të Partisë Demokratike të Kosovës, Bedri Hamza në seancën e jashtëzakonshme të Kuvendit ka theksuar se taksa është pasojë, si rezultat i veprimeve të Serbisë ndaj Kosovës, shkruan Gazeta Blic.
Sipas tij, Serbia nuk ka kërkuar falje për krimet në Kosovë, nuk ka kthyer pensionet e qytetarëve të Kosovës, nuk i ka zbatuar marrëveshjet e nënshkruara në Bruksel dhe ka bërë një fushatë të egër diplomatike kundër Kosovës.
Hamza ka theksuar se Kosova duhet të ruaj raportet me shtetet mike, sikurse me Shtetet e Bashkuara të Amerikës.
Ai tha se parimisht kishim të drejtë kur e vendosëm taksën. Por, sipas tij, tash duhet të vazhdojmë në koordinim të plotë me SHBA-të.
Ai ka kritikuar qeverinë aktuale për mungesë plani e dije për qeverisje.
“Shqetësuese është se si partnerët e koalicionit kanë dallime të mëdha ndërmjet vete”, ka theksuar ndër të tjera Bedri Hamza, raporton Gazeta Blic.
Ai ka theksuar se VV e LDK duhet të konsulltohen me ekspertë, që ta kuptojnë se çka saktësisht është reciprociteti.
