Komuna e Prishtinës ka njoftuar se ka përfunduar renovimi i banesës së Metush Kamerit, invalid i luftës së UÇK-së, shkruan IndeksOnline.
Kamerit i ishte djegur banesa nga zjarri muaj më parë.
Më ndihmën e komunës ai sot i është kthyer banimit në banesën e tij me shtatë anëtarët e tjerë të familjes.
Kështu bëri të ditur komuna e Prishtinës përmes një njoftimi në Facebook.
“Banesa e Metush Kamerit, invalid i luftës së UÇK-së, ishte djegur e dëmtuar nga zjarri muaj më parë.
Ndërsa prej sot, familja e tij tetë anëtarëshe i kthehet banimit në banesën e tyre, tërësisht të renovuar nga Komuna e Prishtinës.
Jemi shumë të lumtur që gjetëm mundësinë për ta ndihmuar këtë familje!
Ta gëzoni!”, thuhet në njoftim./IndeksOnline/
