Gjashtë muaj burg me kusht për personin që kanosi Ramiz Lladrovcin.
Në këtë shkollë në fshatin Gradicë të Drenasit, kishte punuar për disa vite si mësues.
Por në dhjetor të vitit të kaluar, Remzi Gërgurit, iu kishte ndërprerë kontrata.
Një vendim i drejtorisë së Arsimit ishte i papranueshëm për mësimdhënësin por kryetari i Komunës, Ramiz LLadrovci ikishte premtuar se do ta sistemonte diku.
Por kur durimi nga pritja mori fund, Gërguri që kishte luftuar bashkë me Fehmi Lladrofcin, i dërgoi një mesazh Ramiz Lladrofcit, duke e kërcënar atë.
Pas denoncimit, policia arrestoi mësuesin.
Pak orë pas lirimit, Televizioni T7, ka takuar mësimdhënësin.
Ai nuk ka dashur të flas para kamere, megjithatë ka mohuar se e ka kërcënuar LLadrovcin.
Fjalë të mira për ish luftëtarin e UCK-së kanë qytetarët të cilët thonë se arsimtari nuk ka qenë asnjëherë person problematik.
E kryetari i Drenasit, Ramiz Lladrofci nuk ka dashur të flasë kur është pyetur nga T7 lidhur me rastin në fjalë.
Kritika për konkurset në komunën e Drenasit kanë edhe opozita pasi sipas tyre po favorizohen militantet partiak.
E Gjykata Themelore në Prishtinë, dega në Drenas, të premten e ka dënuar me gjashtë muaj burgim, të akuzuarin Remzi Gërguri, pasi ai e ka pranuar fajësinë se e kishte kanosur kryetarin e Drenasit, Ramiz Lladrovci.
Por sipas gjykatës dënimi me burgim nuk do të ekzekutohet nëse i akuzuari në afat prej dy vjetësh nuk kryen vepër tjetër penale.
