Ndryshime rrënjësore te FC Prishtina. Klubi më i trofeshëm kosovar tashmë pritet që të ketë vetëm dy aksionar, nga 15 sa ishin gjithsej, transmeton Gazetasheshi.com.
Gazeta “Metro” ka raportuar gjatë mbrëmjes se klubi nga kryeqyteti tani e tutje aksionar të vetëm do jenë Remzi Ejupi dhe Rrahman Haradini, të cilët do kenë nga 50% të aksioneve.
Ejupi deri më tani kishte 27,61% të aksionave, kurse Haradini 18,34% të aksioneve.
Ndërkaq, aksionarët e tjerë si Naim Ejupi, Ahmed Kurtolli, Afrim Muqiçi, Ismet Begolli, Ragip Mustafa, Sinan Vllasaliu, Fikret Maqastena, Hakif Gashi, Beqir Çerkezi, Ahmed Beselica, Hashim Deshishku, Arbnor Morina dhe Fatos Hoxha kanë shitur aksionet e tyre.
Vlen të theksohet se FC Prishtina është klubi më i trofeshëm kosovar, duke numëruar 10 tituj në Superligë, 6 Kupa e 8 Superkupa./GazetaSheshi/
