Lideri i Lidhjes Demokratike të Kosovës, Isa Mustafa ka deklaruar se si kryetar i kësaj partie kërkon nga KQZ të trajtojë ligjmërinë e votave të ardhura në pliko nga Serbia, për Listën Serbe.
Mustafa tha se paralajmërimi se këto vota do të hyjnë në numërim, pa një vendim të KQZ-së se a i plotëson ato kushtet ligjore, hapë rrugë për të legalizuar kontrabandimin e votës edhe në të ardhmen.
Mustafa deklaroi poashtu se nuk duhet lejuar asnjë votë të paligjshme në Kosovë.
Ndryshe pak më parë Indeksonline ka raportuar se Lidhja Demokratike e Kosovës përmes anëtarëve të saj në KQZ po kërkon nga KQZ të mblidhet për të vendosur si do të procedohet me votat e ardhura në mënyre të paligjshme nga Serbia.
Postimi i plotë:
Si Kryetar i LDK-së kërkoj nga KQZ-ja të trajtojë ligjshmërinë e votave të ardhura në pliko nga Serbia, për Listën Serbe. Paralajmërimi se këto vota do të hyjnë në numërim, pa një vendim të KQZ-së se a i plotësojnë ato kushtet ligjore, hapë rrugë për të legalizuar kontrabandimin e votës edhe në të ardhmen. Një gjë e tillë u tentua të bëhet në zgjedhjet e kaluara lokale në Istog, por organet ligjore parandaluan makinacionet e tilla që deformojnë vullnetin politik të qytetarëve të Kosovës.
Nuk duhet lejuar asnjë votë të paligjshme në Kosovë. IM
